11 · DECISIONS التعارضات والقرارات والأسئلة

التعارضات والقرارات والأسئلة المفتوحة

لما قرينا كل المصادر سطر بسطر (الـ PDF، فيديوهات الميتنج، الرسايل الصوتية في الجروب، والموقع التجريبي) لقينا أماكن المصادر فيها بتقول حاجتين مختلفين، وأسئلة لسه مالهاش رد. الصفحة دي بتعرض كل تعارض بالمصدرين جنب بعض والأثر والقرار اللي بنقترحه، وكل سؤال بالجهة اللي هترد عليه والافتراض اللي هنمشي بيه لحد الرد — عشان الشغل مايقفش. وفي الآخر: رسالة جاهزة للجروب، وأجندة الميتنج.

١٥ تعارض٤٨ سؤال 8 أسئلة عاجلة للعميلموافقة على كل قرار لوحده

الملخص في أرقام

معظم التعارضات حلها واضح من كلام العميل الأحدث. اللي محتاج قرار فعلي من العميل قليل، ومتجمع في رسالة واحدة وميتنج واحد.

١٥

تعارض (11 من التحليل + 4 جداد)

١٠

قرارنا فيها واضح من كلام العميل الأحدث — محتاجة موافقة بس (والـ 5 الباقيين محتاجين قرار العميل)

٤٨

سؤال: 41 للعميل · 7 لفريق الموقع

١٤

سؤال «عاجل» بيوقف مرحلة لو مااترد

عاجل بيوقف أو بيغيّر شغل المرحلة الجاية مهم محتاجينه قبل المرحلة بتاعته لاحقاً عندنا افتراض كويس، والرد يجي براحته S6 المصدرجديد لقيناه في المراجعة دي

إزاي بنحسم أي تعارض

قاعدة ثابتة عشان محدش يحس إن القرار اتاخد بمزاج.

1كلام العميل الأحدثS6 الصوتي ← S6 المكتوب ← S2/S3 ← S1

الرسالة الصوتية بتاعة أكتوبر أقوى من الـ PDF بتاع مارس.

2عقد الموقع لو اتكتبS7

الموقع التجريبي دلوقتي «شكل» مش عقد — لحد ما نتفق على عقد API مكتوب.

3طريقة شغلناS8

المعايير الثابتة (كل حاجة من اللوحة، كل إجراء متسجل…).

4افتراض مكتوب[افتراض]

لو لسه مفيش رد: افتراض سهل يتغير — غالباً «إعداد من اللوحة» بدل رقم ثابت.

القاعدة الذهبية في الافتراضات

أي حاجة مش متأكدين منها بنعملها إعداد مش كود. يعني لو العميل رد بعد كده بإجابة مختلفة، التغيير بيبقى من اللوحة في دقيقة، مش شغل برمجة جديد. وأي قرار بيتسجل في «سجل القرارات» بالتاريخ ومين وافق.

تعارضات البضاعة والمخزون

C1 وC8 — بيأثروا على المرحلة 1 (الكتالوج) والمرحلة 3 (البضاعة الداخلة).

ترتيب التكويد: بعد التسعير ولا من الصين؟

S1S6أثر عالي

الـ PDF «نظام التشغيل» — S1 ص4–5

الترتيب: استلام ← عدّاد ← تسعير ← تكويد وباركود ← توزيع. يعني الكود بيتعمل بعد ما البضاعة توصل وتتعد وتتسعر.

رسالة صوتية 3 أكتوبر — S6

صاحب الشغل عايز يكوّد من الصين قبل ما البضاعة توصل: المنتج بكود + صورة داخلية (سكرين شوت) مش منشورة + ملاحظة «المفروض ييجي 30 دستة في حاوية شهر كذا» + تذكير.

الأثر: لو ربطنا الكود بالاستلام، التكويد البدري مستحيل. ولو سبناه حر من غير ضوابط، ممكن منتج يتنشر بتكلفة غلط أو كود يتكرر.
القرار المقترح: إنشاء المنتج وكوده مستقل عن وصوله. المنتج ليه حالة: «متكوّد ومنتظر» (مش منشور، صورة داخلية للفريق بس، ملاحظات وتذكيرات) ← «اتاستلم» ← «منشور». طباعة الباركود في أي وقت بعد الكود. التكلفة النهائية بعد العدّاد بس، والنشر بعد التسعير. قاعدة «التكويد قبل الفرز» R3 ثابتة زي ما هي.
بيأثر على: المرحلة 1 (حالات المنتج، الصورة الداخلية، التذكيرات) · المرحلة 3 (ربط إذن الشراء بالمنتجات المنتظرة).

«مرتجع تالف» (اللي اتصلّح) يروح الجملة؟

S1أثر قليل

الـ PDF — S1 ص10

التالف اللي اتصلّح يرجع: أونلاين / محل / بازار / جملة.

رسمة التدفق التانية — S5

السهم من «مرتجع تالف» بيروح للأونلاين والمحل والبازار بس — مفيش جملة.

الأثر: صغير: هو بس اختيار زيادة في قايمة الوجهة.
القرار المقترح: الوجهة اختيار من قايمة فيها الجملة. ولو العميل قال لأ، نشيلها من الإعدادات من غير كود.
بيأثر على: المرحلة 3 (صفحة «التالف ولجنته»).

تعارضات الطلبات والتأكيد

C2 وC3 وC10 — كلهم في المرحلة 2 (دورة الطلب).

كلمة «حجز» بمعنيين مختلفين

S2S3أثر عالي

ميتنج الجزء 1 — S2

«حجز» = العميل أكد وعايز يستلم يوم معين. الطلب يفضل عندنا، وقبل الميعاد بكام يوم تروحله رسالة، ولو أكد يرجع «تم التأكيد» ويمشي عادي.

ميتنج الجزء 2 — S3

«حجز» = المودريشن بيجمّع طلب لعميلة لسه بتختار (زي ترابيزات الكافيه)، والطلب ده ليه مهلة 5–7 أيام، وبعدها يطلع أحمر وفوق.

الأثر: لو عملناهم حالة واحدة: التذكيرات والمهلات والتقارير هتتلخبط، والمخزون المحجوز لطلب «لسه بيتختار» هيتحسب كأنه طلب مأكد.
القرار المقترح: صفتين منفصلتين: «مؤجل الشحن» (ميعاد شحن + ميعاد استلام + تذكير قبلها) و«مركون» (مهلة من الإعدادات، افتراضي 7 أيام، وبعدها أحمر وفوق). صفحة واحدة «المؤجل والمركون» بتبويبين. وفرق واضح بين «ميعاد الشحن» و«ميعاد الاستلام».
بيأثر على: المرحلة 2 (آلة الحالات، التنبيهات، صفحة المؤجل والمركون).

تذكير الطلب المؤجل: قبلها بـ 3 أيام ولا 5؟

S2أثر قليل

ميتنج الجزء 1 — S2 (أول مرة)

التذكير قبل الميعاد بـ 3 أيام.

ميتنج الجزء 1 — S2 (مرة تانية)

التذكير قبل الميعاد بـ 5 أيام.

الأثر: صغير — رقم.
القرار المقترح: جدول تذكيرات من اللوحة (ممكن أكتر من تذكير: مثلاً 5 و3)، والافتراضي تذكير واحد قبلها بـ 3 أيام.
بيأثر على: المرحلة 2 (جدول التذكيرات).

C10

أزرار رسالة التأكيد: 2 ولا 3؟

S2أثر متوسط

ميتنج الجزء 1 — S2

الرسالة فيها زرارين: تأكيد وتعديل.

نفس الميتنج — كلام جانبي

«وممكن زرار تواصل مع خدمة العملاء» — مااتحسمش.

الأثر: متوسط: كل زرار ليه أثر على حالة الطلب، وعدد الأزرار المسموح بيعتمد على مزود الواتساب «حلول» Q17.
القرار المقترح: زرارين (تأكيد ← «تم التأكيد»، تعديل ← استثناء ولمبة) + نص الرسالة من اللوحة. الزرار التالت «تواصل مع خدمة العملاء» جاهز ويتشغّل من الإعدادات (بيفتح استثناء من نوع «عايز يتكلم»). لو «حلول» مابيدعمش الأزرار: لينك تأكيد موقّع بيفتح صفحة صغيرة فيها نفس الاختيارات.
بيأثر على: المرحلة 2 (الرسائل والقوالب والـ Webhook).

تعارضات الجملة

C4 وC5 وC9 وC11 — أغلبهم بين كلام العميل في الجروب وشكل الموقع التجريبي. المرحلة 4.

سعر الجملة: سعر لكل منتج ولا خصم بنسبة حسب مستوى التاجر؟

S3S6S7أثر عالي

العميل — S6 + ميتنج S3

عند إضافة المنتج: «يظهر في الجملة؟» + سعر التكلفة + سعر الجملة لكل منتج. وفي شاشة الطلب: السعر بيتغير حسب الكمية (شرائح: 12، 120…).

الموقع التجريبي — S7

خصم 25% أو 35% على سعر القطاعي حسب مستوى التاجر + أقل كمية 3 قطع في الصنف.

الأثر: عالي: ده شكل الداتابيز ومحرك الأسعار ومعادلة كل فاتورة جملة. الخصم بالنسبة بيخلي سعر الجملة مربوط بالقطاعي (لو القطاعي اتغير، الجملة تتغير معاه) — وده عكس كلام العميل.
القرار المقترح: سعر جملة لكل منتج + شرائح كمية اختيارية لكل منتج + أقل كمية للصنف من الإعدادات (افتراضي 3 زي الموقع لحد ما العميل يأكد). خصم المستوى (25/35%) نبنيه كميزة مقفولة تتشغل لو العميل طلبها. فاتورة الجملة بتقرا مخزن الجملة وأسعارها بس R8.
بيأثر على: المرحلة 1 (جدول الأسعار) · المرحلة 4 (الشرائح، شاشة الجملة) · فريق الموقع (عرض السعر في باب الجملة).

Prime وVIP ملخبطين في الموقع التجريبي

S6S7أثر عالي

رسالة صوتية 3 أكتوبر — S6 (اتحسمت)

Prime 👑: للجملة بس، يدوي بعد تقييم التاجر، بيشوف خط منتجات مقفول (غالي، ماينفعش يتحرق)، ممكن اشتراك شهري بعدين.
VIP ⭐: للقطاعي والجملة، تلقائي بعدد الطلبات (+10 نجمة، +20 نجمتين).

الموقع التجريبي — S7

حساب «تاجر مميّز — VIP» عليه تاج ونجمة مع بعض، وخصم 35%. مفيش خط منتجات مقفول، ومفيش فرق بين اليدوي والتلقائي.

الأثر: عالي: لو فريق الموقع كمّل على شكل البروتوتايب، هيتبني منطق غلط في الواجهة، والعميل هيشوف حاجة غير اللي قاله. كمان منتجات Prime لازم تكون مخفية من الـ API نفسه R10 — مش مجرد إخفاء في الواجهة.
القرار المقترح: تعريف العميل بالحرف: Prime = تاج، يدوي، للجملة بس، خط منتجات مقفول، تاريخ انتهاء اختياري (للاشتراك بعدين). VIP = نجوم، تلقائي على «تم الاستلام»، الحدود من اللوحة. مفيش خصم مربوط بأي واحد فيهم لحد ما العميل يقرر.
بيأثر على: المرحلة 4 · فريق الموقع (شارات الحساب، كتالوج الجملة).

منع السكرين شوت لصور الجملة

S6أثر متوسط

طلب العميل — S6

التاجر مايقدرش ياخد سكرين شوت لصور الجملة، ورقم التاجر يظهر على الصور والشاشة.

الواقع التقني

المتصفح مابيسمحش لأي موقع يمنع السكرين شوت (التطبيقات زي المحافظ بتقدر لأنها تطبيقات موبايل). وحتى لو اتمنع، التاجر يقدر يصوّر الشاشة بموبايل تاني.

الأثر: لو وعدنا بمنع كامل هنخلف الوعد. الهدف الحقيقي للعميل: يعرف مين سرّب.
القرار المقترح: علامة مائية برقم التاجر مرسومة جوه الصورة من السيرفر (الصورة نفسها بتشهد على صاحبها) + رابط صور خاص بالتاجر ومؤقت + علامة عائمة فوق الشاشة (من الواجهة) + منع التحميل والقايمة اليمين (ردع بس). ولو اتعمل تطبيق موبايل بعدين، المنع الحقيقي يبقى ممكن هناك.
بيأثر على: المرحلة 4 · فريق الموقع (العلامة العائمة).

C11

لون وضع الجملة: أخضر ولا لبني؟

S3S6أثر قليل

ميتنج الجزء 2 — S3

في لوحة الإدارة، زرار الجملة في «إضافة طلب» يخلي الشاشة خضرا.

الجروب — S6

الجملة ليها «كالر مود» لبني فاتح على الموقع.

الأثر: مش تعارض حقيقي — مكانين مختلفين.
القرار المقترح: الاتنين: أخضر في اللوحة (وضع الجملة في إضافة طلب) ولبني فاتح في الموقع (باب الجملة للتاجر). كل واحد في مكانه.
بيأثر على: المرحلة 4 · فريق الموقع.

تعارضات الموقع والتسويق

C6 وC7 — حاجات في الموقع التجريبي مش متطابقة مع كلام العميل أو الهوية.

منتج الصور: سعر لكل صورة ولا باقات؟

S4S7أثر متوسط

فيديو منتج الصور — S4

كل صورة بسعر إضافي (المثال: 100 ج للمنتج + 5 ج للصورة). والحسبة اللي اتقالت (10 صور = 125) مش راكبة، فغالباً فيه صور داخلة في السعر.

الموقع التجريبي — S7

باقات: بدون / لحد 3 صور +80 ج / لحد 6 +130 ج / لحد 10 +190 ج.

الأثر: متوسط: شكل سطر الطلب وحساب السعر وشاشة الرفع في الموقع.
القرار المقترح: باقات من اللوحة (كل باقة = أقصى عدد صور + سعر)، وده بيغطي الحالتين (باقة «صورة واحدة» = سعر للصورة). وكل قطعة ليها صورها: لو الكمية 2، العميل يرفع صور لكل قطعة أو يختار «نفس الصور للكل» Q2. الطلب ده بيروح قسم «طلبات الصور» وفيه خطوة «طباعة الصور» قبل التقفيل.
بيأثر على: المرحلة 2 (شكل سطر الطلب — لازم من الأول) · المرحلة 5 (الباقات) · فريق الموقع (الرفع لكل قطعة).

المحفظة: في الموقع ومش في كلام العميل

S7أثر متوسط

كل كلام العميل — S1 لحد S6

ولا مرة اتكلم عن محفظة أو رصيد للعميل.

الموقع التجريبي — S7

فيه رصيد للعميل وصفحة «إدارة المحافظ».

الأثر: المحفظة مش زرار — دي فلوس: سجل حركات، شحن، استرداد، صرف، مراجعة محاسبية، ومخاطر. بناؤها من غير طلب = وقت وتكلفة ومسؤولية.
القرار المقترح: مقفولة في المرحلة الأولى. فريق الموقع يخفيها. الصفحة تبان في اللوحة مقفولة «مستنية قرار العميل». لو العميل طلبها: تتبني في المرحلة 5 بسجل حركات زي المخزون (مفيش رصيد بيتعدّل بالإيد).
بيأثر على: تصميم الداتابيز · المرحلة 5 · فريق الموقع.

تعارضات جديدة لقيناها في المراجعة دي جديد

مش في جدول التحليل الأول — طلعت لما قارنّا الموقع التجريبي بالرسايل الصوتية تاني.

C13

دخول التاجر: لينك على الواتساب ولا إيميل وباسورد؟

S6S7أثر عالي

الجروب — S6

بعد القبول تروح للتاجر رسالة واتساب فيها لينك دخول (مش باسورد)، والإيميل اختياري.

الموقع التجريبي — S7

حساب التاجر منفصل عن حساب العميل وبالإيميل (Login / Sign up عادي).

الأثر: عالي: ده شكل الدخول كله في الـ API وفي الموقع. فريق الموقع غالباً بيبني شاشة الدخول دلوقتي.
القرار المقترح: التقديم بموبايل الواتساب (والإيميل اختياري). بعد القبول: لينك دخول سحري صالح لمرة واحدة ومدة قصيرة على الواتساب، وبعد أول دخول التاجر يقدر يضيف باسورد لو حب. حساب التاجر منفصل عن حساب العميل (زي الموقع). محتاج تأكيد العميل Q25.
بيأثر على: المرحلة 4 · عقد الـ API · فريق الموقع.

C14

أرقام ثابتة في الموقع التجريبي والعميل قال «من اللوحة»

S2S7أثر متوسط

العميل + طريقة شغلنا — S2 R9

«كل رقم أو مهلة أو عدد رسائل أو حدود VIP من اللوحة».

الموقع التجريبي — S7

مكتوب جوه الواجهة: أقل كمية 3 قطع، المراجعة خلال 48 ساعة، نقطة لكل 10 ج، مستويات 200/400/800/1500، هدية فوق 800، أسعار الباقات، 25/35%، الشحن 2–5 أيام، الاسترجاع 14 يوم.

الأثر: أي تغيير من العميل هيحتاج تعديل كود في الموقع ونشر — وده بالظبط اللي العميل مش عايزه.
القرار المقترح: كل الأرقام دي تيجي من الـ API: نقطة إعدادات عامة واحدة للموقع (app-config) + نقاط الولاء والباقات والشحن والشروط. فريق الموقع يشيل أي رقم ثابت.
بيأثر على: عقد الـ API (المرحلة 0–2) · فريق الموقع.

C15

«العروض بتتجمع مع كود الخصم» مكتوبة كوعد للعميل

S7أثر متوسط

كلام العميل — S2/S3/S6

ولا كلمة عن تجميع العروض مع الكوبونات أو النقاط.

الموقع التجريبي — S7

مكتوب للعميل: «العروض بتتجمع مع كود الخصم»، وفيه نقاط ولاء كمان — يعني ممكن 3 خصومات على نفس القطعة.

الأثر: ده وعد قدام الزبون. لو اتنشر والعميل مش موافق، يا إما يخسر فلوس يا إما زبون يزعل. وده بيغيّر محرك الأسعار.
القرار المقترح: النص يتشال لحد القرار Q4. الافتراضي: العرض يتطبق الأول (عرض واحد لكل قطعة — الأحسن للعميل)، الكوبون بعده، والنقاط بتتصرف كأنها كوبون. وفيه إعداد «يسمح بتجميع العرض مع الكوبون: أيوه/لأ».
بيأثر على: المرحلة 2 (حساب السلة) · المرحلة 5 · فريق الموقع.

C16

كل حاجة عربي وإنجليزي، والمنتجات الحالية إنجليزي بس

S7جديدأثر عالي

إدارة المشروع — 7 أكتوبر

السيستم والموقع والتطبيق هيبقوا عربي وإنجليزي، ومعيارنا إن العربي إجباري في أي نص بيظهر للعميل.

البيانات الحالية — S7

أسماء المنتجات إنجليزي بس (ayatul kursi ring، three acrlic hezal bangel)، وفيها أخطاء إملائية، وعددها أكتر من 3000.

الأثر: لو العربي إجباري، نقل البيانات هيقف لحد ما كل منتج يتترجم. ولو مش إجباري، الموقع العربي هيعرض أسماء إنجليزي.
القرار المقترح: لغة واحدة على الأقل إجبارية، والناقصة بترجع للتانية في الـ API. معاهم تقرير «منتجات ناقصها ترجمة» في اللوحة، واستيراد Excel للترجمات بالجملة. اللوحة والرسائل والأخطاء وصفحات المحتوى بلغتين من أول يوم. والترجمة نفسها مسؤولية العميل صاحب السيستم.
بيأثر على: المرحلة 0 (اللغتين في الأساس) · المرحلة 1 (نقل البيانات) · الموقع والتطبيق.

جدول ملخص التعارضات

نظرة واحدة على الكل — مين محتاج قرار من العميل ومين محتاج موافقة بس.

#	التعارض	القرار المقترح	محتاج	المرحلة	الأثر
C1	ترتيب التكويد	كود في أي وقت، التكلفة بعد العد	موافقة	1، 3	عالي
C2	«حجز» بمعنيين	مؤجل الشحن + مركون	موافقة	2	عالي
C3	تذكير 3 ولا 5 أيام	جدول من اللوحة، افتراضي 3	موافقة	2	قليل
C4	سعر الجملة	لكل منتج + شرائح + أقل كمية إعداد	قرار العميل	1، 4	عالي
C5	VIP/Prime	تعريف العميل بالحرف	موافقة	4	عالي
C6	منتج الصور	باقات + صور لكل قطعة	قرار العميل	2، 5	متوسط
C7	المحفظة	مقفولة لحد القرار	قرار العميل	5؟	متوسط
C8	مرتجع تالف للجملة	اختيار يشمل الجملة	موافقة	3	قليل
C9	منع السكرين شوت	علامة مائية برقم التاجر	موافقة	4	متوسط
C10	أزرار التأكيد	2 + التالت إعداد	موافقة	2	متوسط
C11	لون الجملة	أخضر في اللوحة، لبني في الموقع	موافقة	4	قليل
C13	دخول التاجر	لينك واتساب + حساب منفصل	قرار العميل	4	عالي
C14	أرقام ثابتة في الموقع	كله من الـ API	اتفاق مع فريق الموقع	0–2	متوسط
C15	تجميع العروض	إعداد + النص يتشال	قرار العميل	2، 5	متوسط
C16	عربي وإنجليزي vs منتجات إنجليزي بس	لغة واحدة إجبارية + رجوع + تقرير ترجمة	موافقة + مين يترجم	0، 1	عالي

أسئلة للعميل

كل سؤال جنبه الافتراض اللي هنشتغل بيه لحد الرد، واللي هيقف أو يتغير لو الرد اتأخر. الأسئلة من التحليل (Q1–Q17) + أسئلة جديدة جديد.

⚓

فلوكة — أ. عمر ملاك
صاحب القرار. العاجل منها في رسالة الجروب (القسم 13)، والباقي في الميتنج (القسم 14).

#	السؤال	الافتراض لحد الرد	اللي بيقف لو مااترد	الأولوية
Q5	القيود التفصيلية لكل دور: مين يطبع، يلغي، يغيّر السعر، يشوف التكلفة، ينقل الحالة…	مصفوفة افتراضية (صفحة 06) قابلة للتعديل من اللوحة	بذرة الأدوار في المرحلة 0 واختبارات الصلاحيات	عاجل
Q14	نقل البيانات من النظام الحالي: نقدر ناخد نسخة (Excel أو صلاحية تصدير أو نسخة من الداتابيز)؟	المنتجات والمتغيرات والأقسام والبراندات والعملاء والأرصدة الافتتاحية؛ الطلبات القديمة للقراءة بس	المرحلة 1 كلها (نقل البيانات + التجريبي ببيانات حقيقية لفريق الموقع)	عاجل
Q17	واتساب «حلول»: عندهم ربط برمجي للأزرار واستقبال الردود؟ مين المسؤول الفني؟	أيوه، ورا واجهة موحدة؛ ولو مش متاح: لينك تأكيد موقّع	التأكيد التلقائي في المرحلة 2	عاجل
Q9	الأجهزة: نوع السكانر وطابعة الإيصال وطابعة الملصقات ومقاس الملصق	سكانر USB بيكتب كيبورد + ملصق 40×25 مم + إيصال 80 مم	تجربة محطة التقفيل والطباعة في المرحلة 2 (والشراء بياخد وقت)	عاجل
Q6	شركات الشحن: أساميها، كل واحدة بتستلم بـ Excel ولا ربط برمجي؟ وأسعار كل محافظة دلوقتي	Excel تصدير/استيراد لكل شركة + واجهة جاهزة للربط بعدين	التسليم والمطابقة في المرحلة 2	عاجل
Q4	العروض + الكوبون + النقاط بيتجمعوا على نفس القطعة؟	العرض الأول (واحد لكل قطعة، الأحسن للعميل)، الكوبون بعده، النقاط كأنها كوبون — والتجميع إعداد	حساب السلة في المرحلة 2 + نص الموقع	عاجل
Q2	منتج الصور: لو طلب قطعتين، كل قطعة ليها صورها؟ والسعر بالباقة ولا بالصورة؟	صور لكل قطعة + «نفس الصور للكل»، وباقات من اللوحة	شكل سطر الطلب (المرحلة 2) وشاشة الرفع في الموقع	عاجل
Q3	المحفظة اللي في الموقع التجريبي: مطلوبة؟	لأ في المرحلة الأولى	تصميم الداتابيز وشغل فريق الموقع	عاجل
Q25 جديد	دخول التاجر: لينك على الواتساب بس، ولا كمان إيميل وباسورد؟ (C13)	لينك سحري على الواتساب + باسورد اختياري بعد أول دخول	الدخول في عقد الـ API وشاشة الموقع	عاجل
Q15	الدفع الإلكتروني على الموقع (كارت/فوري)؟	كاش عند الاستلام + إنستاباي/محافظ يدوي بإيصال؛ بوابة دفع لاحقاً ورا واجهة جاهزة	صفحة الدفع في الموقع (المرحلة 2)	مهم
Q10	البراند التاني: نفس المخزن الرئيسي؟	أيوه، والقطاعي والفرز لكل براند	إعداد المخازن (المرحلة 1)	مهم
Q8	نقطة البيع في المحل/البازار: محتاجينها في الإطلاق الأول؟	مرحلة 7؛ المخزون جاهز لها من الأول	طول الخطة (ممكن تختصر أسبوعين)	مهم
Q1	معنى «20Q» في صورة السبورة (ممكن تكون «20Dz» = 20 دستة)	كمية بالدستة على الملصق	شكل ملصق الباركود (المرحلة 1)	مهم
Q23 جديد	أقل كمية في الجملة 3 قطع في الصنف (زي الموقع) صح؟ وإيه شرايح الكمية الفعلية؟	3 من الإعدادات، وشرايح 12 و120	شاشة الجملة (المرحلة 4)	مهم
Q20 جديد	التاجر ينفع يشتري آجل (على الحساب)؟	لأ: مقدم أو كاش عند الاستلام	طلبات الجملة (المرحلة 4)	مهم
Q19 جديد	الاسترجاع: 14 يوم من الاستلام؟ مين يدفع شحن المرتجع؟ فيه استبدال؟	14 يوم؛ الشحن على العميل إلا لو عيب؛ الاستبدال = مرتجع + طلب جديد	المرتجعات (المرحلة 2) وصفحة السياسة	مهم
Q22 جديد	«ضريبة الطلب»: فلوكة مسجلة ضريبياً ومحتاجة فاتورة إلكترونية؟	خانة ضريبة اختيارية بصفر؛ مفيش ربط بالفاتورة الإلكترونية	إضافة طلب والإيصال (المرحلة 2)	مهم
Q18 جديد	النقاط بتتحسب إمتى؟ وعلى طلبات الجملة؟ ليها صلاحية؟	عند «تم الاستلام»، للقطاعي المسجل بس، صلاحية سنة (إعداد)	نقاط الولاء (المرحلة 5)	لاحقاً
Q13	حدود VIP	+10 طلب نجمة، +20 نجمتين (من اللوحة)	—	لاحقاً
Q12	Prime باشتراك شهري؟	بعدين؛ دلوقتي تفعيل يدوي بتاريخ انتهاء اختياري	—	لاحقاً
Q11	لون الشريط الأخضر في إضافة طلب معناه إيه؟	وسوم لونية من اللوحة باسم ومعنى	—	لاحقاً
Q24 جديد	مهلة «المركون» 5 ولا 7 أيام؟ ومهلة مراجعة طلب التاجر 48 ساعة؟	7 و48 — من الإعدادات	—	لاحقاً
Q7	الحسابات لأي درجة؟	موردين ومدفوعات أذون ومصاريف وإيرادات مبسطة	المرحلة 6	لاحقاً
Q21 جديد	مدير الفرع يقدر يخفّض لحد كام؟	لحد 20% (إعداد) وكل تخفيض متسجل	المرحلة 7	لاحقاً
Q26 جديد	مين من طرف فلوكة هيراجع البيانات المنقولة ويعمل الجرد الافتتاحي؟	مسؤول كل مخزن يراجع مخزنه	اعتماد نقل البيانات قبل الإطلاق	مهم

أسئلة إضافية طلعت من مراجعة باقي صفحات العرض جديد

لقيناها وإحنا بنكتب صفحات المخزون والطلبات والجملة والموقع والداتابيز. كلها للعميل (وQ38 وQ39 بيهموا فريق الموقع كمان).

#	السؤال	الافتراض لحد الرد	اللي بيقف لو مااترد	الأولوية
Q36	مستويات النقاط مش متسقة: 400 نقطة = شحن مجاني و800 = 10% بحد 150 ج قيمتهم أقل من صرف مستوى الـ 200 كذا مرة (4 × 50 ج = 200 ج أكبر من 150). نعدّل القيم؟	نقترح إن كل مستوى أعلى يدي قيمة أكبر لكل نقطة (مثلاً 800 ← 10% بحد 300 ج، 1500 ← 25% بحد 600 ج) — والأرقام كلها من اللوحة	نقاط الولاء (المرحلة 5) + النص اللي في الموقع	مهم
Q37	«هدية فوق 800 ج»: الـ 800 بتتحسب قبل خصومات العروض ولا بعدها؟ (النتيجة بتفرق)	بعد العروض، وقبل الكوبون والشحن	محرك العروض (المرحلة 5)	مهم
Q38	شكل الأكواد: الموقع بيعرض `o0653` (حرف صغير) والمخزن `N2515` (حرف كبير). نوحّدهم؟	الكود بيتخزن بشكل موحد (حروف كبيرة) والبحث والسكان مش حساسين لحالة الحروف؛ الأكواد القديمة تتوحد في النقل	الأكواد ونقل البيانات (المرحلة 1)	مهم
Q39	التاجر: حساب واحد مع حساب العميل ولا حسابين؟ (الموقع: حساب تاجر منفصل تماماً · العميل: Login/Sign up وبعدين الفورم)	ملف تاجر منفصل؛ نفس الموبايل ممكن يبقى عميل قطاعي وتاجر بحسابين — مرتبط بـ C13 وQ25	الدخول في عقد الـ API (المرحلة 4)	مهم
Q40	سياسة المرتجع للجملة وطريقة دفعها — خصوصاً إن بضاعة الجملة مابتعديش على فحص جودة	مرتجع الجملة للعيوب الظاهرة بس خلال 3 أيام من الاستلام (إعداد)؛ الدفع مقدم (إنستاباي/محافظ) أو عند الاستلام	طلبات الجملة ومرتجعها (المرحلة 4)	مهم
Q41	كتابة الاسم: «فلوكه» ولا «فلوكة»؟ (اللوجو المكتوب فيه اختلاف)	«فلوكة» في كل النصوص لحد التأكيد، واللوجو زي ما هو	نصوص الموقع والرسائل والإيصال	لاحقاً
Q42	مصاريف الشحنة (نولون، جمرك، تخليص) بتتوزع على الأصناف إزاي: بالقيمة ولا بالعدد ولا بالوزن؟	بالقيمة، وطريقة التوزيع اختيار في الشحنة نفسها	حساب التكلفة بعد العد (المرحلة 3)	مهم
Q43	عينات المصوّر: بترجع المخزون ولا بتتحسب مصروف تسويق؟	ترجع للبيع لو سليمة؛ غير كده مصروف تسويق بقرار مسجل	العينات (المرحلة 3)	لاحقاً
Q44	محتاجين مخزن «خامات» للأجزاء اللي بتتسحب من التالف (قفل، حلقة، فصوص)؟	أيوه: مخزن خامات بسيط بالعدد، بيزيد من الإعدام وبيقل بالصرف للإصلاح	التالف (المرحلة 3)	لاحقاً
Q45	الطلب «المركون» لما مهلته تخلص: المخزون المحجوز له يتفك لوحده ولا لأ؟	مايتفكش لوحده: يطلع أحمر وفوق والقرار للمودريشن؛ وفيه إعداد «فك تلقائي بعد X يوم» متوقف افتراضياً	الحجز والمتاح للموقع (المرحلة 2)	مهم
Q46	توصيل بورسعيد: مندوب خاص بفلوكة ولا شركة شحن؟	«مندوب فلوكة» يتعامل كأنه شركة شحن داخلية بنفس نظام دفعات التسليم والمطابقة	قسم بورسعيد والتسليم (المرحلة 2)	مهم
Q47	الأسعار في «إضافة طلب» شاملة الضريبة ولا لأ؟	شاملة؛ والضريبة خانة إضافية افتراضيها صفر (مرتبط بـ Q22)	حساب الطلب والإيصال (المرحلة 2)	مهم
Q48	شكل كود المكان: نقترح `ON-A03-12` (المخزن-الصف-الرف). مناسب؟	الشكل المقترح، وبيتطبع ملصق لكل مكان	الأماكن والتجميع بالمكان (المرحلة 1)	مهم
Q49	المكتوب على الكرتونة «E:12 N:168 Br:300» — ده عدد القطع لكل بادئة كود؟	أيوه عدد لكل بادئة، وبيتسجل في الاستلام كعد مبدئي	الاستلام (المرحلة 3)	لاحقاً
Q50	«طلبات قيد المعالجة» (المتعلّمة بالأحمر) في النظام الحالي معناها إيه؟	طلبات فيها مشكلة = «الاستثناءات» عندنا	ربط حالات الطلبات القديمة في النقل	مهم
Q51	النظام الحالي بيعامل البازارات كـ «مواقع» بأكواد BL (زي `BL0005` «13-14 RAMADAN» و`BL0012`) — نكمل بنفس الفكرة؟	أيوه: البازار = مخزن مؤقت بتاريخ بداية ونهاية، والمواقع القديمة تتنقل كمخازن مقفولة للتاريخ	المخازن ونقل البيانات (المرحلة 1 و7)	لاحقاً

ملحوظة على Q1: «20Q» في صورة السبورة ممكن تكون «20Dz» = 20 دستة — وده متسق مع الافتراض (كمية بالدستة على الملصق).

أسئلة لفريق الموقع

فريق الموقع بيبني الواجهة (Angular)، وإحنا الـ API ولوحة الإدارة كلها. لازم الحدود تبقى واضحة ومكتوبة قبل ما الاتنين يبنوا نفس الحاجة أو محدش يبنيها.

🛍️

فريق الموقع
عن طريق إدارة المشروع — والإجابات بتتحول لعقد API مكتوب.

#	السؤال	الافتراض لحد الرد	اللي بيقف لو مااترد	الأولوية
Q16	حدود الشغل: الواجهة بس عندكم، والـ API واللوحة كلها عندنا — متفقين؟ فيه أي لوحة إدارة بدأتوا فيها؟	الواجهة بس عندكم؛ مفيش أي منطق بيزنس أو لوحة في الواجهة	كل حاجة — خطر شغل متكرر	عاجل
Q27 جديد	عندكم شكل رد أو عقد API متوقع؟ ولا تشتغلوا على عقدنا و`openapi.json`؟	عقدنا، ولو بعتوا عقد بيتنفذ حرفياً	بداية تكامل الكتالوج (نهاية المرحلة 1)	عاجل
Q28 جديد	حساب السلة والعروض والنقاط في البروتوتايب معمول في الواجهة؟	كله يتشال ويبقى من نقطة «حساب السلة» في الـ API — الواجهة تعرض بس	المرحلة 2 (الأسعار مش هتطابق)	عاجل
Q29 جديد	المنتجات الحقيقية اللي في الموقع التجريبي اتنقلت منين وإزاي؟	من نفس النظام الحالي — نستخدم نفس المصدر في النقل	خطة نقل البيانات	مهم
Q30 جديد	رفع صور منتج الصور: هترفعوا على الـ API بتاعنا مباشرة لكل قطعة؟ حجم أقصى؟	رفع لكل قطعة على الـ API، لحد 10 ميجا للصورة، JPG/PNG/HEIC	منتج الصور	مهم
Q31 جديد	العلامة العائمة برقم التاجر وكالر مود الجملة ومنع القايمة اليمين — عندكم؟	أيوه في الواجهة، والرقم والصور المعلّمة من الـ API	المرحلة 4	مهم
Q32 جديد	دخول العميل القطاعي: موبايل وباسورد؟ OTP؟ دخول بجوجل؟	موبايل + باسورد، واستعادة بالواتساب/الإيميل	نقاط الدخول (المرحلة 0–2)	مهم

رسالة جاهزة للجروب — أهم 8 أسئلة

قصيرة ومهذبة، وكل سؤال سطر. تتبعت في جروب «Flouka system» من إدارة المشروع.

⚓

Flouka systemرسالة جاهزة للنسخ

السلام عليكم أستاذ عمر، أتمنى تكون بخير. خلصنا مراجعة كل اللي اتبعت (الـ PDF والفيديوهات والرسايل الصوتية والموقع التجريبي)، وعندنا 8 أسئلة محتاجين ردها عشان التنفيذ يمشي من غير توقف: 1) الصلاحيات: محتاجين ميتنج حوالي ساعة نحدد فيه كل دور يقدر يعمل إيه بالظبط. يناسب حضرتك إمتى؟ 2) بيانات السيستم الحالي: نقدر ناخد نسخة من المنتجات والعملاء والأرصدة (Excel أو صلاحية تصدير)؟ 3) واتساب «حلول»: ممكن رقم المسؤول الفني عندهم؟ عايزين نتأكد إن أزرار «تأكيد / تعديل» بترجعلنا الرد. 4) الأجهزة: نوع السكانر وطابعة الإيصالات وطابعة الملصقات، ومقاس الملصق اللي بتستخدموه. 5) شركات الشحن: أساميها، وكل شركة بتستلم الطلبات بملف Excel ولا عندها ربط؟ 6) العروض: لو المنتج عليه عرض، ينفع العميل يستخدم كوبون أو نقاط كمان؟ ولا خصم واحد بس؟ 7) منتج الصور: لو العميل طلب قطعتين، كل قطعة ليها صورها؟ والسعر بالباقات (3 / 6 / 10 صور) زي الموقع؟ 8) المحفظة اللي في الموقع التجريبي: مطلوبة؟ ودخول التاجر يكون بلينك على الواتساب بس، ولا إيميل وباسورد كمان؟ وحساب التاجر منفصل عن حساب العميل؟ لحد ما يوصلنا الرد هنمشي بافتراضات مكتوبة وسهل نغيرها. شكراً لحضرتك.

قبل الإرسال

اتأكد إن ميعاد الميتنج المقترح مكتوب في نفس الرسالة.

أجندة الميتنج مع العميل

75 دقيقة. الهدف: نطلع بقرارات مكتوبة، مش نقاش مفتوح. كل بند جنبه الأسئلة والتعارضات اللي بيحسمها.

👥 الحضور

أ. عمر (صاحب القرار)
مسؤول التشغيل/المخزن من فلوكة (لو موجود)
إدارة المشروع
الباك إند
ممثل فريق الموقع (للبند 4 و5 بس)

📎 التحضير

مصفوفة الأدوار الافتراضية مطبوعة (صفحة 06).
الشاشات من صفحة 10.
جدول التعارضات (القسم 8).
نموذج «محضر القرارات».

✅ المخرجات

مصفوفة صلاحيات معتمدة.
قرار في كل C فيه «قرار العميل».
مواعيد: البيانات، الأجهزة، «حلول».
محضر يتبعت في الجروب في نفس اليوم.

5دقايق

1. الهدف والطريقة

إيه اللي اتعمل (المراجعة والعرض)، وإن كل قرار هيتكتب ويتعتمد. اللي مش هيتحسم النهارده بيمشي بالافتراض.

20دقيقة

2. صلاحيات كل دور

نمشي دور دور على المصفوفة: مين يطبع، مين يطبع نسخة تانية، مين يلغي، مين يغيّر السعر، مين يشوف التكلفة، مين ينقل الحالة، مين يحجز ويفتح نطاق الأكواد، المودريشن جملة/قطاعي/الاتنين، مدير الفرع، شركة الشحن.

Q5S2

10دقايق

3. دورة الطلب

أقسام التجهيز الأربعة وطلبات الصور، «مؤجل الشحن» و«مركون» ومهلهم، أزرار رسالة التأكيد، لون الشريط، الاسترجاع والضريبة.

C2C3C10Q11Q19Q22Q24Q45Q46Q47Q50

10دقايق

4. الجملة

سعر لكل منتج وشرايح الكمية وأقل كمية، Prime وVIP (والاشتراك الشهري بعدين)، دخول التاجر، الآجل، العلامة المائية.

C4C5C9C13Q20Q23Q39Q40

10دقايق

5. الموقع والتسويق

المحفظة، تجميع العروض مع الكوبون والنقاط، منتج الصور، الدفع الإلكتروني، النقاط.

C6C7C15Q4Q15Q18Q36Q37

10دقايق

6. التشغيل والبيانات

الأجهزة ومين يشتريها، شركات الشحن، نقل البيانات ومين يراجعها، البراند التاني، نقطة البيع في الإطلاق الأول ولا بعده.

Q9Q6Q14Q26Q10Q8Q38Q42Q48Q51

10دقايق

7. الخطوات الجاية

مراجعة الخطة (صفحة 12) والمواعيد التقديرية، ميعاد أول عرض على السيرفر التجريبي، مين بيوافق على إيه.

بعد ما الردود توصل

إزاي القرار بيتحول لشغل من غير ما حاجة تضيع.

1سجل القرارات

كل رد بيتكتب بالتاريخ: السؤال، القرار، مين قال، والأثر.

2تحديث التوثيق

ملف الأسئلة المفتوحة والمتطلبات والداتابيز لو اتأثرت.

3تحديث الإعدادات

لو القرار رقم: بيتغير الافتراضي في البذرة بس.

4فريق الموقع

لو بيمس الـ API: ملف تحديثات بالتاريخ + openapi.json جديد.

5الموافقة هنا

زرار الموافقة على التعارض يتداس، والسؤال يتعلّم «اترد».

ملحوظة

الموافقات في الصفحة دي بتتحفظ على الجهاز اللي اتداست منه بس. عشان كده بعد ما العميل يوافق، الملخص بيتبعت مكتوب في الجروب ويتسجل في سجل القرارات — ده المرجع الرسمي.