دورة الطلب — من الواتساب لحد المرتجع
الطلب بييجي من الموقع أو من اللوحة، وبيتأكد بزرار في الواتساب، ومايدخلش التحضير إلا بطباعة يدوية، وبيتجمع بكود المكان، وبيتقفل بالسكان في محطة التقفيل، ومايبقاش «تم الشحن» إلا بسكان التسليم للمندوب. وجنب الخط ده فيه حارة الاستثناء: أي طلب فيه مشكلة بتولّع له «لمبة» تطلّعه أول القايمة، ويتركن على «ستاند المواقف» لحد ما خدمة العملاء تحله. الصفحة دي بتشرح كل حالة وكل شاشة وكل تنبيه — بكلام العميل نفسه.
الطلب بييجي منين
«الأوردر هيجي عن طريق حاجة من اتنين: يا إما من الداشبورد نفسها… أوردر مانيوال، يا إما… الويب سايت أو الأبلكيشن». ومن أغسطس فيه جملة كمان. S2 S3
الموقع / التطبيق
العميل بيطلب بنفسه. الطلب بيدخل «بانتظار التأكيد» وبتتبعت رسالة الواتساب أوتوماتيك.
S2إضافة طلب (المودريشن)
العميلة بتكلم الصفحة وبتختار — المودريشن بيضيف بالكود. ممكن «يركنه» لحد ما تخلص اختيار.
S2 S3باب الجملة
التاجر المقبول بيطلب من قسم «Wholesale» في نفس الموقع — مخزن الجملة وأسعارها.
S6وضع الجملة في اللوحة
مودريشن الجملة بيدوس «جملة» ← الشاشة تخضرّ وتقرا مخزن الجملة وأسعار الشرائح.
S3مهما كان المصدر، الطلب واحد وحالاته واحدة. الفرق في: القناة (قطاعي/جملة ← المخزن والأسعار)، وقسم التجهيز (بورسعيد/المحافظات/الجملة/الصور)، ومين أنشأه (متسجل على الطلب).
الحالات بالتفصيل
كل حالة ليها طريقة دخول واحدة واضحة، ومين المسؤول. محدش بيكتب الحالة بإيده — النقلة بتحصل نتيجة فعل (زرار، طباعة، سكان). S2
| # | الحالة | بتدخلها إزاي | مين | الأثر | ملاحظات من كلام العميل |
|---|---|---|---|---|---|
| 1 | بانتظار التأكيد «بينج» | تلقائي عند الإنشاء | السيستم | حجز المخزون + جدولة رسائل الواتساب | رسالة فيها تأكيد وتعديل، وتذكيرات بعدد وفاصل من اللوحة. النظام الحالي بيسميها «خدمة العملاء» |
| 2 | تم التأكيد | العميل داس «تأكيد» / تأكيد يدوي بعد مكالمة | العميل / خدمة العملاء | تقف التذكيرات | «لو العميل داس تأكيد أوتوماتيك هيروح لتم التأكيد» |
| 3 | جاري التحضير | طباعة الإيصال يدوي — أول طباعة | الأوبريشن | سجل طباعة + يبدأ عدّاد 24 ساعة | «مابتتحولش جاري التحضير إلا بعد الطباعة» R5 |
| 4 | تم التحضير | محطة التقفيل: سكان الإيصال ← القطع ← الإيصال تاني | المقفّل | خصم المخزون (بيع) | صوت خطأ لو عدد غلط أو صنف مكان صنف؛ علامة صح لو تمام |
| 5 | جاهز للمندوب | تلقائي بعد التقفيل | الأوبريشن | يظهر في شاشة التسليم | Ready for courier — في الشوال تحت كاميرا. «ماينفعش تبقى تم الشحن وهي ماتعملهاش بيك أب» |
| 6 | تم الشحن | سكان التسليم للمندوب في دفعة | الأوبريشن | سطر في Excel الدفعة + رسالة للعميل | المندوب بيمضي على العدد في دفتر ورقي R6 |
| 7 | تم الاستلام | من شركة الشحن (ملف / تحديث يدوي) | المراجعة (الفاليديشن) | VIP + نقاط الولاء | — |
| 8 | مرتجع | من شركة الشحن | المراجعة | القطع تدخل «مرتجعات تحت الفحص» | «ممكن يبقى جزئي عادي» |
| 9 | اتفحص المرتجع | فحص قطعة قطعة وقرار لكل قطعة | مسؤول المرتجعات / المحاسب | — | توالف، قطعة مكان قطعة، أوردر مكان أوردر، قطعة مكسورة |
| 10 | رجع المخزون | قرار «إرجاع للمخزون» | مسؤول المرتجعات | حركة رجوع للمخزن | يدوي بعد الفحص — مش للموظف العادي R7 |
| — | استثناء 💡 | «تعديل» من العميل / قطعة ناقصة / أي مشكلة | العميل / الأوبريشن / خدمة العملاء | اللمبة + أول القايمة | «سايبين الخانة دي لأي حاجة فيها مشكلة: عميل عايز يرجع، يعدّل» |
| — | ملغي | من أي حالة قبل الشحن | خدمة العملاء / أدمن | فك الحجز (أو إرجاع لو اتقفل) | بسبب من قايمة |
مخطط الحالات
الخط الأساسي بالأزرق، حارة الاستثناء بالبرتقالي المتقطع، الإلغاء بالأحمر. الرقم على كل سهم = رقم النقلة في الجدول تحته. ده نفس رسمة الـ Paint اللي العميل شرح عليها في الميتنج، بعد ما اتنضّفت. S2
النقلات
| # | من ← إلى | بيحصل بـ | الشرط | الأثر |
|---|---|---|---|---|
| 1 | بانتظار التأكيد ← تم التأكيد | زرار «تأكيد» / تأكيد يدوي بعد مكالمة | — | إلغاء التذكيرات المتجدولة |
| 2 | تم التأكيد ← جاري التحضير | أول طباعة للإيصال | صلاحية الطباعة | سجل طباعة + عدّاد 24 ساعة |
| 3 | جاري التحضير ← تم التحضير | محطة التقفيل | كل السطور اتسكانت صح + الإيصال اتسكان مرتين (+ الصور اتطبعت) | خصم المخزون |
| 4 | تم التحضير ← جاهز للمندوب | تلقائي | — | يظهر في شاشة التسليم لشركته |
| 5 | جاهز للمندوب ← تم الشحن | سكان في دفعة تسليم | الطلب على نفس شركة الدفعة | Excel + رسالة للعميل |
| 6 | تم الشحن ← تم الاستلام | ملف شركة الشحن / المراجعة | — | VIP + نقاط الولاء |
| 7 | تم الشحن ← مرتجع | ملف شركة الشحن / المراجعة | كلي أو سطور معينة | القطع ← «مرتجعات تحت الفحص» |
| 8 | مرتجع ← اتفحص | مسؤول المرتجعات | قرار لكل قطعة | تالف ← حالة تالف؛ غلط ← تحقيق |
| 9 | اتفحص ← رجع المخزون | زرار «إرجاع للمخزون» | صلاحية مسؤول المرتجعات | حركة رجوع للمخزن المناسب |
| 10 | بانتظار التأكيد ← استثناء | زرار «تعديل» / يدوي | — | اللمبة + إشعار خدمة العملاء |
| 11 | جاري التحضير ← استثناء | الأوبريشن: قطعة ناقصة / مشكلة | ملاحظة (زي N2515) | «على ستاند المواقف» + اللمبة |
| 12 | استثناء ← تم التأكيد | خدمة العملاء كتبت الحل | نص الحل | تطفي اللمبة + علامة «اتجمع قبل كده» لو كان على الستاند |
تأكيد الطلب بالواتساب
«أول ما بييجي احنا أوتوماتيك لازم نبعت كونفرمشن… عن طريق إن احنا نبعتله رسالة واتساب». المزود اللي العميل شغال بيه اسمه «حلول» وعندهم ربط برمجي. التكلفة حوالي نص جنيه للرسالة وممكن ندور على أرخص. S2
طلبك FL-260412 من فلوكة:
• N2515 سلسلة × 1
• Br-0712 إسورة × 2
الإجمالي 450 ج شامل الشحن لبورسعيد.
من فضلك أكدي الطلب 🌊10:05 ص
الأزرار — تعارض C10
- تأكيد ← «تم التأكيد» أوتوماتيك.
- تعديل ← «استثناء» واللمبة تولّع.
- زرار تالت «استفسارات / تواصل مع خدمة العملاء» اتقال في الميتنج (لو عايز يلغي أو يأجل)، بس «على قد ما نقدر مش هنكتر البوتومز عشان ما نحيرش العميل».
القرار: زرارين + نص الرسالة من اللوحة، والزرار التالت جاهز يتفعّل من الإعدادات. التالت لو اتداس = استثناء برضه بسبب مختلف. افتراض
جدول التذكيرات — ديناميك من اللوحة R9
«في أول يوم تبعت كام رسالة والفرق ما بين كل رسالة» — «لو حبيت تخليها 2 في اليوم، بعد كده لا خليها واحدة عشان بقت مزعجة، لا خليها 3 عشان نسرع الرد». S2
| الوقت (مثال افتراضي) | اللي بيحصل |
|---|---|
| لحظة الإنشاء | رسالة التأكيد الأولى |
| + 6 ساعات | تذكير 1 (لو مافيش رد) |
| اليوم التاني الصبح | تذكير 2 |
| 24 ساعة بعد آخر رسالة | 💡 لمبة «محتاج مكالمة» ← تأكيد يدوي («كونفرمشن كول») |
| ساعات الهدوء (11 م – 9 ص) | مفيش إرسال — الرسالة تستنى |
تكلفة الرسائل (للتقارير)
- تكلفة الرسالة
- 0.50 ج (من الإعدادات)
- مثال
- 300 طلب × 2 رسالة في المتوسط
- في اليوم
- ≈ 300 ج
- في الشهر
- ≈ 9,000 ج
الرقم مثال للحسبة بس. تقرير شهري بعدد الرسائل وتكلفتها ونسبة التأكيد من أول رسالة — عشان العميل يقرر عدد التذكيرات بالأرقام.
الرسالة تيجي فيها لينك تأكيد موقّع يفتح صفحة صغيرة فيها «تأكيد / تعديل». نفس النتيجة على السيستم.
الطباعة ← جاري التحضير
«تم التأكيد ده احنا اللي بنعمله… بنفتح السيستم بنشوف الأوردرات اللي تم التأكيد، بنقوم عاملين طباعة… بتبدأ تتحول لجاري التحضير». R5 S2
ليه يدوي؟
العميل مأكد بس ده مش معناه إن الورشة جاهزة. الطلب يفضل «تم التأكيد» لحد ما الأوبريشن ياخد قرار ويطبع. «لازم تاخد أكشن يدوي».
النهارده vs بكرة
النهارده بيطبع وبعدين لازم «يعلّم كمجهز» بإيده — خطوتين. العميل قال: «أنا عايز لما أطبع يتحول على طول». الجديد: الطباعة نفسها هي النقلة.
الإيصال (80 مم)
- باركود رقم الطلب
- القطع بأكوادها وأماكنها مترتبة بمسار التجميع
- القسم + لون الشريط + عاجل
- «نسخة 2» لو اتطبع تاني
الأوبريشن يختار قسم (مثلاً المحافظات) ← يحدد طلبات ← «طباعة» ← كلهم يدخلوا جاري التحضير مرة واحدة. الطلبات اللي عليها علامة «اتجمع قبل كده» بتطبع بعلامة واضحة إنها على الستاند.
أقسام شاشة التجهيز
النهارده فيه قسمين بس (محافظات وبورسعيد) — «الفصلة بـ 3 دي جديدة، هما اتنين بس عندي». آخر كلام في الصوتي: أربعة أقسام، كل قسم لوحده. S2 S6 صوتي 3 أكتوبر
توصيل محلي — أسرع وأرخص، ممكن مندوب داخلي
شركات الشحن — دفعات تسليم
طلبات التجار — من مخزن الجملة بالدستة
فيها خطوة طباعة الصور قبل التقفيل
| الطلب | بيروح قسم | ليه |
|---|---|---|
| قطاعي، العنوان بورسعيد | بورسعيد | المحافظة في العنوان |
| قطاعي، أي محافظة تانية | المحافظات | المحافظة في العنوان |
| جملة (أي محافظة) | الجملة | القناة جملة — مخزن مختلف وتغليف مختلف |
| فيه منتج صور (حتى لو معاه قطع عادية) | طلبات الصور | «الطلب اللي فيه صور + قطع عادية بيروح قسم الصور» |
القسم بيتحسب تلقائي عند الإنشاء ويتعاد حسابه لو العنوان أو السطور اتغيرت. الأدمن يقدر يغيّره يدوي بسبب.
التجميع بكود المكان
«الأوبريشن بيعمل بيكنج للمنتجات… على نظام الكود… عشان الفولفيلمنت سنتر شغالين بكود باي لوكيشن». العميل عنده تقسيم أرفف فعلاً، وقال إنه هيستعير نظام أكواد الأماكن مننا. S2
شكل كود المكان افتراض
كل خانة ليها باركود متلزق عليها، فالتسكين والمراجعة والجرد بالسكان.
الإيصال بيرتب التجميع
- السطور مترتبة بكود المكان ← اللي بيجمّع بيمشي في خط واحد من غير ما يرجع.
- لو القطعة مش في مكانها ← يدور في «الفائض» المكتوب على الإيصال.
- لو مش موجودة خالص ← مايرجعش القطع: يكمّل الباقي، يحطه في كيس، ويطلّع الطلب استثناء (القسم 12).
- اللي بيجمّع (Collector) ممكن يبقى هو نفسه المقفّل — السيستم بيسجل الاتنين.
محطة التقفيل
«اللي بيقفل قدامه الشاشة بتاعة التابلت أو الكمبيوتر، وقدامه القطع، وقدامه السكانر. بيعمل سكان على الريسيت يقوم جايبله الأوردر، بيعمل سكان على القطع، وبعد كده كونفرمشن بسكان على الريسيت تاني». S2
يظهر الطلب بسطوره وصوره ولون شريطه.
كل سكان يزوّد العدّاد للسطر بتاعه.
يا عدد زيادة، يا صنف مكان صنف — الشاشة تحمرّ ومايكملش.
لو فيه سطر ناقص ← خطأ «ناقص كذا».
صوت نجاح + خصم المخزون + جاهز للمندوب.
| الكود | الصنف | المكان | المطلوب | اتسكان | الحالة |
|---|---|---|---|---|---|
N2515 | سلسلة مرساة فضي | ON-A03-12 | 1 | 1 | ✓ |
Br-0712 | إسورة خرز أزرق | ON-B01-04 | 2 | 2 | ✓ |
E-0219 | حلق لؤلؤ صغير | ON-C07-02 | 1 | 0 | مستني |
اتسكان E-0221 والمطلوب E-0219
رجّع القطعة وسكان الصح
بعدها سكان الإيصال للتأكيد
(الشكل لما يخلص) — يتحط في الشوال
القواعد
- مفيش «تخطي سطر» إلا لمشرف وبسبب.
- طلب صور ← مايتقفلش إلا لو الصور متعلّمة «اتطبعت».
- طلب شريط أصفر ← تنبيه «ضيف هدية» قبل التقفيل.
السجل
كل سكان (صح أو غلط) متسجل بمين وإمتى وفين. تقرير «أخطاء التقفيل لكل موظف» بيبيّن مين بيجمّع غلط.
الأجهزة
تابلت أو كمبيوتر + سكانر USB بيشتغل كيبورد (من غير برامج). الصوت من المتصفح. Q9
جاهز للمندوب ← التسليم ← تم الشحن
نصيحة استشارية العميل خدها: «مرحلة اسمها Ready for courier… الأوردرات بتتساب في شوال… الشوال ده بيبقى فوقيه كاميرا، والمندوب… احنا معانا سكانر بنقوم ماسكين أوردر أوردر تك تك تك في الشوال بتاعه، بيستلم مننا عدد — دي بقت تم الشحن». R6 S2
تظهر الطلبات «جاهز للمندوب» على الشركة دي.
كل طلب يتنقل لشوال المندوب. طلب على شركة تانية ← خطأ.
قفل الدفعة ← الطلبات كلها «تم الشحن».
«اللي اتعمله سكان في الوقت ده يتسحبله شيت إكسيل».
«يمضي عليها بإيده بخط إيده إنه استلم منك 100 أوردر — كعدد بس».
السيستم بيطبع ورقة للدفتر: رقم الدفعة، الشركة، اسم المندوب، التاريخ والساعة، العدد (مش تفاصيل الطلبات)، وخانة الإمضاء. رقم الدفعة نفسه على ملف الـ Excel — عشان الورقة والملف يتربطوا.
المطابقة مع شركة الشحن
«الفاليديشن بيحط الشيت ده قدامه بتاريخ مثلاً 2/8… بيشوف هل الشيت ده كام أوردر؟ 100 أوردر. هل الـ 100 أوردر اتسجلوا على شركة الشحن؟ لو لا، بقوا 99، يبقى كده في أوردر اتسقط… واقع من المندوب، ودي بتحصل ساعات». S2
| البند | العدد |
|---|---|
| اتسكان عندنا (Excel الدفعة) | 100 |
| متسجل عند شركة الشحن | 99 |
| الدفتر (إمضاء المندوب) | 100 |
| فرق | 1 — FL-260377 |
الطلب الناقص يتعلّم «مفقود من المندوب» ويتفتح له مطالبة — والإمضاء بيثبت إن الشركة استلمته.
إزاي هتشتغل
- كل دفعة ليها حالة مطابقة: لسه / متطابقة / فيها فرق.
- الفاليديشن يستورد ملف الشركة (Excel) أو يعلّم يدوي — السيستم يقارن بأرقام الطلبات.
- نفس الملف يحدّث «تم الاستلام» و«مرتجع» لاحقاً. Q6
- تنبيه لو دفعة عدّى عليها يوم من غير مطابقة.
- تقرير: الفروق لكل شركة ومندوب في الشهر.
الاستلام والمرتجع وفحصه
«لما اتسجل ريتيرن… أنا بقوم دايس ريستوك… أوتوماتيك الاستوك بيرجع» — ده النهارده. المستشار قاله: «بتعديه على كواليتي كنترول… بيتشيك قطعة قطعة سليمة ولا لا وبعد كده بيقوم دايس ريستوك»، وده بيبقى «من حد… المحاسب، حد ماسك المرتجعات». R7 S2
الطرد يوصل ← يتسجل على الطلب والسطور اللي رجعت.
سكان كل قطعة قصاد اللي كان في الطلب.
سليمة / تالفة / مكسورة / قطعة مكان قطعة / أوردر مكان أوردر.
السليم بس، لمخزن الأونلاين (أو مكانه).
| نتيجة الفحص | يعني إيه | اللي بيحصل |
|---|---|---|
| سليمة | زي ما خرجت | «إرجاع للمخزون» ← مخزن الأونلاين |
| توالف / خدش | اتأذت في الشحن أو عند العميل | حالة تالف ← لجنة الفني (صفحة 02) |
| مكسورة | مش هتتصلح غالباً | حالة تالف بسبب «مكسورة» |
| قطعة مكان قطعة | العميل رجّع حاجة غير اللي اتبعتت | تتسجل القطعة اللي رجعت فعلاً + تنبيه لخدمة العملاء |
| أوردر مكان أوردر | الطرد كله لطلب تاني | تحقيق: ربط بالطلب الصح، ومفيش حركة مخزون لحد ما يتحل |
| ناقصة | قطعة ماوصلتش في المرتجع | فرق على شركة الشحن / العميل |
الاستثناء واللمبة — بالتفصيل
أهم جزء ابتكره العميل في الدورة. الفكرة: الطلب اللي فيه مشكلة مايضيعش في الزحمة، ومايتجمعش مرتين. S2
الطلب بيدخل الاستثناء من فين
العميل داس «تعديل»
قبل التجميع. مفيش حاجة على الستاند. خدمة العملاء تكلّمه وتعدّل السطور أو تلغي أو تأجّل.
قطعة ناقصة وقت التجميع
«افرض هو 6 منتجات، الأوبريشن جمع 5 ومنتج مش موجود». الأوبريشن يكتب ملاحظة بكود القطعة (N2515) ويحط الطلب على الستاند.
أي مشكلة تانية
«عميل عايز يرجع، يعدّل»، عنوان غلط، دفع… أي حد معاه الصلاحية يطلّع الطلب استثناء بسبب.
الرحلة خطوة خطوة (مثال)
«هو بيحضر الأوردر كامل وبيحطه في كيسة، والريسيت بيحطه في ستاند معين في الورشة، وكده دي أوردرات مواقف».
الطلب يطلع استثناء و💡 اللمبة تولّع — ومين رفعه متسجل باسم حسابه.
«هو مثلاً 7/7 وده 23/7، لا ده بيسبق… بيطلع في الفيرست لاين».
النوت دي «بتسرّع الدنيا بدل ما نفضل في التراكينج» — ملخص سريع فوق سجل الحالات.
«بيطبع لتاني مرة، بيجيبها من الستاند، مش بيجمع الأوردر تاني».
كل دور بيشوف إيه
- خدمة العملاء: الاستثناءات المفتوحة أول القايمة بالسبب والملاحظة ومين رفعها وعدّاد من إمتى.
- الأوبريشن: وهو بيطبع، الطلب اللي عليه علامة «على الستاند» واضح بلون مختلف.
- الأدمن: عدد الاستثناءات المفتوحة ومتوسط وقت الحل.
قواعد الاستثناء
- مايتقفلش من غير نص حل.
- لو السطور اتغيرت: الحجز يتعدّل، والإيصال الجديد يوضح «اتشال / اتضاف».
- لو الحل «إلغاء» ← ملغي، والقطع اللي على الستاند ترجع أماكنها بحركة.
- لو الحل «تأجيل» ← تم التأكيد + صفة «مؤجل الشحن» بميعاد.
- استثناء مفتوح أكتر من X ساعات ← تصعيد للأدمن افتراض.
«البينج ده بالنسبة لي جديد» و«ده بيزنس موديل جديد أصلاً» — يعني مفيش طريقة قديمة لازم نحافظ عليها؛ بنبنيها صح من الأول.
تنبيهات الـ 24 ساعة وترتيب القوايم
«الشباب ممكن يطبعوا الريسيت ويضيع منهم، ممكن يقع… لو أوردر هنا عدّى 24 ساعة برضه بيبقى ليه علامة معينة ويطلع لفوق». كل المهلات من اللوحة. S2 R9
| التنبيه | الشرط | الإجراء | المصدر |
|---|---|---|---|
| 💡 مااتأكدش | 24 ساعة بعد عدد الرسائل المتفق عليه | مكالمة تأكيد يدوي | S2 |
| ❗ تحضير متأخر | «جاري التحضير» أكتر من 24 ساعة | «الريسيت ده ضاع، اتركن… اطبعوه واعملوه» | S2 |
| 🟥 مركون منتهي | عدّى مهلة الحجز (5–7 أيام) | أحمر وفوق | S3 |
| 📅 مؤجل الشحن قرّب | قبل ميعاد الاستلام بـ N أيام | رسالة تأكيد تانية | S2 |
| 🔴 عاجل | يدوي من الأدمن | الطلب كله أحمر وفوق | S3 |
| استثناء مفتوح طويل | أكتر من X ساعات | تصعيد للأدمن | افتراض |
| جاهز للمندوب ومااتسلمش | أكتر من X ساعة | مراجعة الشوال | افتراض |
| تم الشحن من غير نتيجة | أكتر من X يوم بلا استلام/مرتجع | متابعة مع الشركة | افتراض |
شكل أي قايمة تشغيل (الترتيب)
الترتيب: عاجل ← محتاج انتباه (اللمبة) ← اتجمع قبل كده ← الباقي بالتاريخ. الشريط لون بس مابيغيرش الترتيب.
لون الشريط والعاجل
من شاشة إضافة طلب: «ممكن ألون الشريط، أصفر، أخضر… لو الشريط أصفر بيبقى العميل مستاء، العميل معاه موقف سلبي، فأنا لو بوزع جفتات أحط. لو أخضر بيبقى مش عارف… حاجة». S3
⬜ عادي
من غير شريط.
أصفر عميل زعلان
كان عنده موقف سلبي ← ممكن يتحط له هدية. محطة التقفيل بتنبّه «ضيف هدية».
أخضر ؟
العميل ماحددش معناه. Q11
جدول وسوم (اسم، لون، معنى، إجراء مقترح زي «ضيف هدية») — الأصفر والأخضر أول اتنين، والعميل يزوّد أو يغيّر من غير برمجة. كل وسم بيبان في القوايم والإيصال ومحطة التقفيل.
«ده بيبقى كله باللون الأحمر وبيتعمل فوق مهما كان ترتيبه». صفة على الطلب (مش حالة)، بتتحط بصلاحية، ومتسجلة بمين وليه.
«الحجز» — كلمة واحدة بمعنيين
العميل استخدم «حجز» في الميتنجين لحاجتين مختلفين تماماً. لو اتعملوا حاجة واحدة هتحصل لخبطة — فهما صفتين منفصلتين على الطلب. C2
| البند | 📅 مؤجل الشحن | ☕ مركون |
|---|---|---|
| كلام العميل | «أنا عايز الأوردر، أكدهولي، بس أنا عايز يتشحن يوم كذا» S2 | «المودريشن بيلفوا على كذا حد فبيركنوا الأوردر… زي الترابيزات في الكافيهات» S3 |
| مين بيعمله | العميل بيطلب، وخدمة العملاء/المودريشن تسجّل | المودريشن |
| الطلب اتأكد؟ | أيوه — العميل مأكد | لأ — العميلة «لسه عمالة تنقي»، والطلب «معلّق» |
| السطور | ثابتة | بتزيد كل شوية (زي الترابيزة) |
| المواعيد | ميعاد الاستلام (اللي العميل عايزه) وميعاد الشحن (محسوب من مدة التوصيل) — «عشان ما نتلخبطش» | تاريخ الفتح + مهلة |
| التذكير / المهلة | رسالة تأكيد تانية قبل الميعاد بـ 3 أيام (وفي مكان تاني 5) C3 | 5 أو 7 أيام — بعدها «أحمر وفوق» |
| بعد التذكير / المهلة | العميل أكد ← «تم التأكيد» ويمشي عادي في الدورة | المودريشن يقفله (يبقى طلب عادي) أو يلغيه |
| المخزون | محجوز | محجوز — والإعداد يحدد يتفك بعد المهلة ولا لأ |
| الطلب بيروح فين | بيفضل عندنا — «احنا ما بنسيب… بنسيب الأوردر عندنا»، مش لشركة الشحن | قايمة «الحجوزات / المركون» للمودريشن |
| القرار | صفة على «تم التأكيد» + ميعادين + تذكير رقمه من اللوحة (افتراضي 3) | صفة على «بانتظار التأكيد» + مهلة من اللوحة (افتراضي 7) |
العميل عايز يستلم يوم الخميس، ومدة التوصيل للمحافظة دي يومين ← ميعاد الشحن الثلاثاء ← رسالة التأكيد التانية قبل الخميس بـ 3 أيام (الإثنين): «حضرتك لسه عايز تستلم يوم الخميس؟ نبدأ نشحن» ← لو أكد، الطلب ينزل للتجهيز عادي.
طلبات الصور
«المنتج ده… بيتحط فيه صور… مثلاً يكفي 11 صورة… جنبه زرار اسمه أبلود فوتو… والعميل بيرفع الصور… الصورة سعرها مثلاً 5 جنيه». منتج تاني بياخد صورتين، وتاني أربعة، وتاني صورة. S4
السؤال المفتوح (Q2)
منتج بياخد صورتين، والعميل طلب منه قطعتين. هل هي صورتين للاتنين، ولا 4 صور (لكل قطعة صورها)؟
اقتراحنا: سطر الطلب فيه «وحدات»، وكل وحدة ليها صورها، ومعاها اختيار «نفس الصور للكل». افتراض
في التجهيز
- الطلب بيروح قسم طلبات الصور حتى لو معاه قطع عادية.
- خطوة «طباعة الصور»: تحميل صور كل وحدة باسم الطلب ورقم الوحدة، وعلامة «اتطبعت».
- محطة التقفيل مابتقفلش الطلب إلا لو الصور «اتطبعت».
- حجم الصورة الأقصى من الإعدادات («بنحدد… الصور بتتحمل كام، ولو الكواليتي حلوة أحسن»).
- الصور ملك العميل: مابتطلعش في أي مكان غير طلبه، وبتتمسح بعد مدة من الإعدادات افتراض.
التسعير: العميل قال سعر لكل صورة، والموقع عامل باقات — تعارض C6، تفاصيله في صفحة 05.
شاشة إضافة طلب
الشاشة اللي المودريشن عايش عليها. العميل شرحها حتة حتة في الميتنج التاني. S3
| الجزء | كلام العميل | هيشتغل إزاي |
|---|---|---|
| البحث | «أنا هنا ممكن أحط الكود» | كود أو سكان أو اسم — يظهر الرصيد المتاح في مخزن القناة |
| السعر | «اللاست برايس… لو سعر بعرض هيبقى سعر بعرض، لو سعر القطاعي هيبقى سعر قطاعي» | آخر سعر على الموقع، وجنبه مصدره (عرض/قطاعي) |
| الخصم | «يا نسبة مئوية يا ثابتة» | على الطلب كله، بسقف للدور من الإعدادات |
| ضريبة الطلبية | «ضريبة الطلبية تمام» | نسبة من الإعدادات، تتفعّل/تتقفل للطلب سؤال: السعر شامل؟ |
| الشحن | «بيتعمل أوتوماتيك على حسب الليست… ممكن أعدل في السعر» | من جدول المحافظات + تعديل يدوي متسجل |
| الدفع | «دفع متعدد» | أكتر من طريقة على نفس الطلب (كاش عند الاستلام، إنستاباي، محفظة…) |
| الشريط | «ممكن ألون الشريط، أصفر، أخضر» | وسوم لونية من اللوحة |
| العاجل | «كله باللون الأحمر وبيتعمل فوق» | مفتاح بصلاحية |
| حالة الطلب ينزل فين | «دي أوبشن عندي كأدمن يوزر بس» | مقفول لغير الأدمن — ويتسجل كتخطي |
| الحجز | «ممكن أحجزه… ليميت 5 أيام أو 7» | زرار «ركن الطلب» بمهلة |
| زرار الجملة | «يتقلب لأسعار الجملة على طول… يغيرلي ثيم اللون… أخضر» | مخزن الجملة + سعر الشرائح بالكمية + الشاشة خضرا R8 |
| المودريشن | «فيه موديريشن جملة وفيه قطاعي وفيه ينفع الاتنين» | صلاحية: قطاعي بس / جملة بس / الاتنين — الزرار مايظهرش لغير المسموح |
| الكود | الكمية | السعر | الإجمالي |
|---|---|---|---|
N2515 | 1 | 75 عرض | 75 |
Br-0712 | 2 | 95 قطاعي | 190 |
E-0219 | 1 | 120 قطاعي | 120 |
| الكود | الكمية | شريحة السعر | الإجمالي |
|---|---|---|---|
B0824 | 12 | 36 12+ | 432 |
N1034 | 120 | 28 120+ | 3,360 |
Br-0712 | — | مش موجود في مخزن الجملة | |
الأرقام والأسماء في الماكيت أمثلة. مثال B0824 بسعر جملة 36 ج من كلام العميل في الميتنج.
«عشان الموضوع مهم جداً، ماينفعش الفاتورة تتلخبط». لون الشاشة كلها بيتغير أول ما «جملة» يتداس، وأي كود مش في مخزن الجملة بيترفض حتى لو موجود قطاعي — «ممكن دي تبقى موجودة قطاعي ومش موجودة جملة». الأخضر في اللوحة، واللبني لكالر مود الجملة في الموقع. C11
شركات الشحن — دخول محدود
«ممكن حد منهم يدخل على السيستم يشوف حتة الطلبات بس». والعميل ساعات لما يمضي مع شركة جديدة بيخلّي إدخال البيانات بتاعهم يشتغل من عنده فترة. S2
يشوف
- طلباته هو بس (اللي في دفعاته)
- رقم الطلب، الاسم، الموبايل، العنوان، المحافظة، المبلغ المطلوب تحصيله
- دفعات التسليم وملفاتها
يقدر
- يحدّث «اتسلم / مرتجع» أو يرفع ملف الحالات افتراض
- ينزّل Excel لطلباته
- يكتب ملاحظة توصيل
مايقدرش
- يشوف أسعار التكلفة أو أي طلب لشركة تانية
- يغيّر سطور أو مبالغ
- تحديثه نهائي — الفاليديشن بيأكد
مين بيلمس الطلب في كل مرحلة
الأدوار اللي اتذكرت في الميتنج: مودريشن، إدخال بيانات، أوبريشن (ومنه المجمّع والمراجع)، خدمة عملاء، فاليديشن، شكاوى، محاسب «مش معايا دلوقتي»، والمستخدم الرئيسي. والصلاحيات «ديناميك تماماً». S2
| المرحلة | مودريشن | خدمة عملاء | أوبريشن | المقفّل | فاليديشن | محاسب / مرتجعات | أدمن | شركة الشحن |
|---|---|---|---|---|---|---|---|---|
| إنشاء / ركن | ✓ | ✓ | ✓ | |||||
| تأكيد يدوي | ✓ | ✓ | ✓ | |||||
| حل الاستثناء | ✓ | ✓ | ✓ | |||||
| الطباعة | ✓ | ✓ | ||||||
| رفع استثناء من التجميع | ✓ | ✓ | ✓ | |||||
| التقفيل | ✓ | ✓ | ||||||
| دفعة التسليم | ✓ | ✓ | يشوف | |||||
| المطابقة + الاستلام/المرتجع | ✓ | ✓ | يحدّث (مبدئي) | |||||
| فحص المرتجع وإرجاعه | ✓ | ✓ | ||||||
| إلغاء | ✓ | ✓ | ||||||
| عاجل / نقل لأي حالة | ✓ |
مصفوفة افتراضية لحد ميتنج الأدوار — كل خانة دي صلاحية تتغير من اللوحة. Q5
أسئلة مفتوحة في دورة الطلب
بنكمل بالافتراض اللي جنب كل سؤال لحد ما العميل يرد. القايمة الكاملة في صفحة 11.
| # | السؤال | الافتراض لحد الرد |
|---|---|---|
| C2 | «حجز» بمعنيين | صفتين: «مؤجل الشحن» و«مركون» |
| C3 | تذكير مؤجل الشحن قبلها بـ 3 ولا 5 أيام؟ | رقم من اللوحة، افتراضي 3 |
| C10 | زراير رسالة التأكيد 2 ولا 3؟ | 2 + التالت جاهز يتفعّل |
| Q2 | قطعتين من منتج صور: صور لكل قطعة؟ | أيوه + «نفس الصور للكل» |
| Q6 | شركات الشحن: ربط برمجي ولا Excel؟ | Excel تصدير/استيراد + واجهة لمزود لاحقاً |
| Q11 | الشريط الأخضر معناه إيه؟ | وسوم لونية من اللوحة باسم ومعنى |
| Q15 | الدفع الإلكتروني على الموقع؟ | كاش عند الاستلام + إنستاباي/محافظ يدوي؛ بوابة لاحقاً |
| Q17 | «حلول» عندهم API للأزرار والردود؟ | أيوه، ورا واجهة موحدة؛ وإلا لينك تأكيد |
| جديد | سعر إضافة طلب «شامل الضريبة» ولا الضريبة فوقه؟ | الأسعار شاملة، و«ضريبة الطلبية» إضافة اختيارية |
| جديد | «طلبات قيد المعالجة» في النظام الحالي = إيه؟ | الأقرب «استثناء» — نتأكد قبل نقل البيانات |
| جديد | المركون: المخزون يتفك بعد المهلة ولا يفضل محجوز؟ | يفضل محجوز لحد ما المودريشن يقرر، والتنبيه أحمر |
| جديد | بورسعيد: مندوب داخلي ولا شركة شحن؟ | الاتنين — دفعة التسليم ليها «جهة» ممكن تبقى مندوب داخلي |